തിരുവനന്തപുരം: ശബരിമലയില്‍ എല്ലാവര്‍ക്കും പോകാമെന്ന് മന്ത്രി കെ.ടി. ജലീല്‍.ശബരിമല സന്ദര്‍ശനത്തെ വിമര്‍ശിച്ച ബിജെപി നേതാവ് വി.മുരളീധരന് മറുപടി നല്‍കുകയായിരുന്നു അദ്ദേഹം.
മതസൗഹാര്‍ദ്ദത്തിന്റെ അനുഭൂതി ശബരിമലയില്‍ അനുഭവിച്ചറിയാമെന്നും മതങ്ങള്‍ തമ്മിലുള്ള സൗഹൃദം വര്‍ദ്ധിക്കുന്നതിന് എന്തിനാണ് ഇത്ര ആശങ്കയെന്നും മന്ത്രി ചോദിച്ചു.
മതസൗഹാര്‍ദ്ദത്തിന്റെ ഉത്സവമാണ് ശബരിമലയില്‍ നടക്കുന്നതെന്നും സമാനമായ അനുഭൂതി സുവര്‍ണ ക്ഷേത്രം സന്ദര്‍ശിച്ചപ്പോഴും ഉണ്ടായിയെന്നും ജലീല്‍ പറഞ്ഞു.
