കൊച്ചി: മലപ്പുറത്തെ എല്‍ഡിഎഫ് സ്ഥാനാര്‍ഥി വി വസീഫിന് പിന്തുണയുമായി സംവിധയകാന്‍ അമല്‍നീരദ്. പ്രിയ സുഹൃത്തും യുവജന നേതാവുമായ വി വസീഫ് ലോകസഭാ തെരഞ്ഞെടുപ്പില്‍ മലപ്പുറം മണ്ഡലത്തില്‍ നിന്ന് മത്സരിക്കുന്നതില്‍ സന്തോഷം. വസീഫിനെപോലുള്ള പോസിറ്റീവ് രാഷ്ട്രീയം കൈകാര്യം ചെയ്യുന്ന ചെറുപ്പക്കാര്‍ പാര്‍ലിമെന്ററി രംഗത്ത് വിജയിച്ചു വരണമെന്നും അമല്‍നീരദ് ഫേസ്ബുക്കില്‍ കുറിച്ചു.
കേരളത്തില്‍ വലിയൊരു പടക്കോട്ട കെട്ടി സംഘപരിവാറിനെ ചെറുക്കുക എന്നതാണ് സിപിഐഎമ്മിന്റെ ലക്ഷ്യമെന്ന് വി വസീഫ് പറഞ്ഞു. മലപ്പുറത്തെ ഹാപ്പിനെസ് ഇന്‍ഡക്സില്‍ ഒന്നാം സ്ഥാനത്ത് എത്തിക്കും. സംഘപരിവാറിനു മുന്നില്‍ മുട്ടുമടക്കാതെ ഏതറ്റം വരെയും പോകാന്‍ ആര്‍ജവം കാണിക്കുമെന്നും ജീവന്‍ പോയാലും മലപ്പുറത്തുകാര്‍ക്കൊപ്പമുണ്ടാകുമെന്നും വസീഫ് പറഞ്ഞു.
