ടോക്കന്‍ പേരു കേള്‍ക്കുമ്പോള്‍ എന്താവും എല്ലാരിലും ഉണ്ടാവുക, സാധാരണ ഒരു ടോക്കന്‍ അല്ലെങ്കില്‍ എന്തെങ്കിലും ഡിജിറ്റല്‍ പ്രത്യേകതയുള്ള ടോക്കന്‍.
എന്നാല്‍ ടോക്കനൈസിന്റെ ടോക്കന്‍ എന്താണെന്നറിയണ്ടേ, അതൊരു മോതിരമാണ് സ്മാര്‍ട്ട് വാച്ച് എന്ന പോലെ ഒരു സ്മാര്‍ട്ട് റിങ്.
16000 രൂപ വിലയുള്ള ഈ മോതിരം കൊണ്ട് പല ഉപകാരങ്ങളും ഉണ്ട്. വാതിലുകള്‍ തുറക്കുക, കാര്‍ സ്റ്റാര്‍ട്ട് ചെയ്യുക, പണമിടപാട് നടത്തുക കമ്പ്യൂട്ടറില്‍ സൈന്‍ ഇന്‍ ചെയ്യുക തുടങ്ങി നിരവധി ജോലികള്‍ ഈ മോതിരം കൊണ്ട് സാധിക്കും. ഒരു പാസ് വേഡ് പോലെയാണ് ടോക്കന്‍ പ്രവര്‍ത്തിക്കുന്നത്.
മാസ്റ്റര്‍ കാര്‍ഡ്, വിസ, മൈക്രോ സോഫ്റ്റ് തുടങ്ങിയ കമ്പനികളുമായി സഹകരിച്ചാണ് ടോക്കനൈസ് ഈ സ്മാര്‍ട്ട് റിങ് ഒരുക്കിയിരിക്കുന്നത്.
പണമിടപാടുകള്‍ സുരക്ഷിതമാക്കുന്നതിനും ഇടപാടുകള്‍ക്ക് ആധികാരികത ലഭിക്കാനും മോതിരത്തിനുള്ളില്‍ ഒരു ഫിങ്കര്‍പ്രിന്റ് സെന്‍സര്‍ സ്ഥാപിച്ചിട്ടുണ്ട്. ചാര്‍ജ് ചെയ്താണ് ടോക്കന്‍ ഉപയോഗിക്കേണ്ടത്.
സാങ്കേതിക വിദ്യയെ കൈപ്പിടിയിലൊതുക്കാനുള്ള ശ്രമത്തിലാണ് ലോകം, അത്തരത്തിലൊരു ശ്രമത്തിന്റെ ഫലമാണ് യഥാര്‍ത്ഥത്തില്‍ അമേരിക്കന്‍ സ്റ്റാര്‍ട്ട് അപ്പ് കമ്പനിയായ ടോക്കനൈസിന്റെ ടോക്കന്‍.
