ആകാംഷയോടെയാണ് ഇന്ത്യന്‍ ജനത അമീര്‍ ഖാന് ചിത്രകളെ കാത്തിരിക്കുന്നത്. പ്രേക്ഷകര്‍ക്ക് നല്‍കാന്‍ ഒരു പിടി നല്ല പച്ചയായ കഥപാത്രങ്ങളുമായാണ് അമീര്‍ എത്തുന്നത്. ഇപ്പോള്‍ ദംഗല്‍ എന്ന ചിത്രത്തിന്റെ കാത്തിരിപ്പിലാണ് ഇന്ത്യന്‍ ജനത ഒന്നാകെ.
ആമിറിന്റെ ലുക്കും യഥാര്‍ഥകഥയിലെ ആവേശവും ചേര്‍ന്നപ്പോള്‍ പതിവ് ആമിര്‍ ചിത്രങ്ങളൊരുക്കുന്ന ആകാംഷകളേക്കാള്‍ അല്‍പം മുകളിലാണ് ദംഗല്‍.
ചിത്രത്തിന്റെ ട്രെയിലറിനെ പോലെ ഇപ്പോള്‍ എത്തിയ പാട്ടിനേയും ഇന്ത്യന്‍ ജനത നെഞ്ചോട് ചേര്‍ത്തു കഴിഞ്ഞു. ഹാനികാരക് ബാപ്പു ഗാനം ഇന്ത്യന്‍ ജനതയും ഒരെ സ്വരത്തില്‍ ഏറ്റുപാടുകയാണ്. ആറു ദിവസം കൊണ്ട് 90 ലക്ഷത്തിലധികം പ്രാവശ്യമാണ് യുട്യൂബ് വഴി ഗാനം കണ്ടത്.
ഗോദയില്‍ പാറുന്ന അവേശം നമുക്ക് ആപാട്ടില്‍ നിന്നും തന്നെ ഗ്രഹിക്കാന്‍ സാധിക്കുമെന്നതാണ് കൗതുകം.പാട്ടിന്റെ താളത്തിനു തന്നെ ഒരു ഗോദയുടെ ആവേശമുണ്ട്.
അമിതാഭ് ഭട്ടാചാര്യയാണ് ഗാനം രചിച്ചിരിക്കുന്നത്. പ്രിതത്തിന്റെ സംഗീതത്തില്‍ സര്‍വാര്‍ ഖാനും സര്‍താസ് ഖാന് ബര്‍ണയും ചേര്‍ന്നാണ്‌ ഗാനം ആലപിച്ചിരിക്കുന്നത്.
പെണ്‍മക്കളിലൂടെ ഗുസ്തിയില്‍ ഒളിമ്പിക്‌സ് സ്വര്‍ണമെന്ന സ്വപ്നത്തിലേക്കു യാത്ര ചെയ്യുന്ന അച്ഛന്റെ ജീവിതമാണ് ദംഗല്‍ ചിത്രത്തിന്റെ പ്രമേയം.
ഹാനികാരക് ബാപ്പു എന്നു തുടങ്ങുന്ന ഗാനം ചിത്രത്തിന്റെ ആത്മാവ് തന്നെയാണ്‌. ആമിറിന്റെ നോട്ടവും പാടത്തിന് നടുവിലെ ഗോദയിലേക്കു പെണ്‍മക്കളെ കൈപിടിക്കുന്ന യാത്രയും വളരെ മനേഹരമായി ചിത്രത്തില്‍ അവതരിപ്പിച്ചിട്ടുണ്ട്.
https://youtu.be/6RB89BOxaYY
