ന്യൂഡല്‍ഹി: മുഖ്യമന്ത്രി പിണറായി വിജയനെതിരെ അമിത് ഷാ രംഗത്ത്. മുഖ്യമന്ത്രി ശബരിമല വിഷയം കൈകാര്യം ചെയ്യുന്നത് തെറ്റായ രീതിയിലാണെന്നാണ് അമിത് ഷാ പറഞ്ഞത്.
തീര്‍ത്ഥാടകരോട് പൊലീസ് മനുഷ്യത്വമില്ലാതെയാണ് പെരുമാറുന്നതെന്നും അദ്ദേഹം വ്യക്തമാക്കി.
ശബരിമല സന്നിധാനത്ത് വീണ്ടും നാമജപ പ്രതിഷേധം സംഘടിപ്പിച്ചു. നിരോധനാജ്ഞ തുടരവേ വാവര് നടയ്ക്ക് മുന്നിലായിരുന്നു ഭക്തര്‍ നാമജപം നടത്തിയത്. സന്നിധാനത്തെ സുരക്ഷാ ചുമതലയുള്ള പൊലീസ് ഉദ്യോഗസ്ഥര്‍ എത്തി ഇവരെ ഇവിടെ നിന്നും നീക്കുകയും ചെയ്തു.
കഴിഞ്ഞ ദിവസവും സന്നിധാനത്ത് നാമജപ പ്രതിഷേധം നടത്തിയ 69 പേരെ പോലീസ് അറസ്റ്റ് ചെയ്യുകയും ഇവരെ കോടതി 14 ദിവസത്തേക്ക് റിമാന്‍ഡ് ചെയ്യുകയും ചെയ്തിരുന്നു.
