കരൺ ജോഹറിന്റെ സംവിധാന മികവിൽ ഒരുങ്ങിയ ചിത്രമാണ് സ്റ്റുഡന്റ് ഒഫ് ദ ഇയർ.
ചിത്രത്തിന്റെ രണ്ടാം ഭാഗം എത്തുന്നുവെന്ന് നേരത്തെ സ്ഥിരീകരിച്ചിരുന്നതാണ്.
വരുൺ ധവാൻ, സിദ്ധാർത്ഥ് മൽഹോത്ര, ആലിയ ഭട്ട് എന്നിവരായിരുന്നു ആദ്യ ഭാഗത്തിലെ താരങ്ങൾ.
ചിത്രത്തിന്റെ രണ്ടാം ഭാഗത്തിൽ നായികയായി എത്തുന്നത് പ്രശസ്ത നടൻ ചങ്കി പാണ്ഡെയുടെ മകൾ അനന്യ പാണ്ഡെയാണ്.
കഴിഞ്ഞയാഴ്ച അനന്യ ഓഡിഷനിൽ പങ്കെടുത്തു. കരൺ ജോഹർ, ടൈഗർ ഷ്രോഫ്, ചിത്രത്തിന്റെ സംവിധായകൻ പുനീത് മൽഹോത്ര എന്നിവരും ഓ‌ഡിഷൻ സമയത്ത് ഉണ്ടായിരുന്നു.
ആദ്യ ഭാഗത്തിൽ ആലിയ പറഞ്ഞ ഡയലോഗ് അനായാസമായി അവതരിപ്പിച്ച അനന്യയെ നായികയാക്കാൻ കരൺ തീരുമാനിക്കുകയായിരുന്നു.
