യുവതാരങ്ങളായ റോഷൻ മാത്യു, സൗബിൻ സാഹീർ, ബാലു വർഗീസ്, ഗണപതി, ധർമ്മജൻ ബോൾഗാട്ടി എന്നിവരെ പ്രധാന കഥാപാത്രങ്ങളാക്കി സജി സുരേന്ദ്രൻ സംവിധാനം ചെയ്യുന്ന ചിത്രമാണ് ‘ചാർലീസ് ഏയ്‌ഞ്ചൽ.’
ഗ്രീൻ അഡ്വർടൈസിംഗ് പ്രൊഡക്ഷൻസ് ഇൻ അസോസിയേഷൻ വിത്ത് ഒറിജിനൽ മൂവീസ് ബാനറിൽ സലിം പി.ടി, സതീഷ് ചന്ദ്രൻ, ഷിഹാബ് അബ്ദുൾഖാദർ എന്നിവർ നിർമ്മിക്കുന്ന ഈ ചിത്രത്തിൽ അനാർക്കലി മരയ്ക്കാർ നായികയായി എത്തുന്നു.
ലാൽ, രഞ്ജിപണിക്കർ, പാഷാണം ഷാജി, ബൈജു, സോഹൻ സിനുലാൽ, ബിബിൻ ജോർജ്, ഷഹീൻ സിദ്ധിഖ്, സതീഷ് ചന്ദ്രൻ, ലെന, ബഡായ് ബംഗ്ളാവ് ഫെയിം ആര്യ, ഷാലിൻ സോയ എന്നിവരാണ് മറ്റ് പ്രമുഖ താരങ്ങൾ.
കൃഷ്ണ പൂജപ്പുര തിരക്കഥയൊരുക്കി സംഭാഷണമെഴുതുന്ന ചിത്രത്തിന് അനിൽ നായർ ഛായാഗ്രഹണം നിർവഹിക്കുന്നു.
ഷിബു ചക്രവർത്തിയുടെ വരികൾക്ക് ബിജിബാൽ, കേരളപുരം ശ്രീകുമാർ, ശീതൾ പിള്ള, സതീഷ് ചന്ദ്രൻ എന്നിവര്‍ സംഗീതം നൽകുന്നു.
