ആസിഫ് അലിയെ നായകനാക്കി വിജേഷ് വിജയ് സംവിധാനം ചെയ്യുന്ന പുതിയ ചിത്രം മന്ദാരത്തില്‍ ആനന്ദം ഫെയിം അനാര്‍ക്കലി മരയ്ക്കാര്‍ നായികയാകുന്നു.
അഞ്ച് തരത്തിലുള്ള വേഷപകര്‍ച്ചയോടെയാണ് ആസിഫ് സിനിമയില്‍ എത്തുന്നത്.
ബാല്യം മുതല്‍ യൗവ്വനം വരെയുള്ള നായകന്റെ വിവിധ കാലഘട്ടങ്ങളിലൂടെയാണ് ചിത്രം കടന്നു പോകുന്നത്.
അനാര്‍ക്കലിയെ കൂടാതെ മറ്റൊരാള്‍ കൂടി ചിത്രത്തില്‍ നായികയായി എത്തും. എന്നാല്‍ രണ്ടാമത്തെ നായിക ആരെന്ന കാര്യത്തില്‍ ഇത് വരെ തീരുമാനമായിട്ടില്ല.
സിനിമയുടെ ചിത്രീകരണം വാഗമണ്‍, അരുണാചല്‍പ്രദേശ്, കൊല്‍ക്കത്ത എന്നിവിടങ്ങളിലായിരിക്കും നടക്കുക.
ജേക്കബ് ഗ്രിഗറി, അര്‍ജുന്‍ അശോകന്‍, ഭഗത് മാനുവല്‍ എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
