പ്രശസ്ത സെലിബ്രിറ്റി ഫോട്ടോഗ്രാഫറായ മഹാദേവൻ തമ്പി സംവിധാനം ചെയ്യുന്ന ചിത്രത്തിൽ അനൂപ് മേനോനും കുഞ്ചാക്കോ ബോബനും ഒന്നിക്കുന്നു. ഒരു ഇടവേളയ്ക്ക് ശേഷം അനൂപ് മേനോൻ തിരക്കഥയെഴുതുന്ന ചിത്രമാണിത്. അടുത്ത മാസമാണ് ചിത്രത്തിന്റെ ഷൂട്ടിംഗ് ആരംഭിക്കുന്നത്.
സജി സുരേന്ദ്രന്റെ ഇവർ വിവാഹിതരായാൽ എന്ന ചിത്രത്തിലെ എനിക്ക് പാടാനൊരു പാട്ടിലുണ്ടൊരു പെണ്ണ് എന്ന ഗാനം സംവിധാനം ചെയ്തത് മഹാദേവൻ തമ്പിയായിരുന്നു. റിമ കല്ലിങ്കൽ ഉൾപ്പെടെ ഒട്ടേറെ താരങ്ങളെ അണിനിരത്തി ചില മ്യൂസിക് വീഡിയോകളും മഹാദേവൻ തമ്പി സംവിധാനം ചെയ്തിട്ടുണ്ട്.
