ന്യൂയോര്‍ക്ക്: കോവിഡിനെ പ്രതിരോധിക്കുന്ന കാര്യത്തില്‍ ലോകത്തിലെ മതനേതാക്കള്‍ക്ക് പ്രധാന പങ്ക് വഹിക്കാനുണ്ടെന്ന് ഐക്യരാഷ്ട്ര സഭ സെക്രട്ടറി ജനറല്‍ അന്റോണിയോ ഗുട്ടറാസ്.
മഹാമാരിയെ പ്രതിരോധിക്കുക വഴി ഉചിതവും സ്ഥായിയുമായ ലോകം കെട്ടിപ്പടുക്കാന്‍ സാധിക്കുമെന്നും ഇക്കാര്യത്തില്‍ സമുദായങ്ങള്‍ ഒത്തുചേരേണ്ടതുണ്ടെന്നും സെക്രട്ടറി ജനറല്‍ ചൂണ്ടിക്കാട്ടി.
മാത്രമല്ല ഐക്യത്തിന്റെ സത്ത ഉള്‍ക്കൊണ്ട് മതനേതാക്കള്‍ പ്രവര്‍ത്തിക്കുന്നത് കാണാന്‍ സാധിക്കും. ആഗോള തലത്തിലുള്ള ഒരു മഹാമാരി മാത്രമല്ല കോവിഡ് എന്നും മനുഷ്യന്റെ ജീവിതവും ബാല്യവും തകര്‍ക്കുന്നതാണിതെന്നും ഗുട്ടറാസ് വ്യക്തമാക്കി.
