അഭിനയ കാര്യത്തില്‍ എന്ത് റിസ്‌ക് എടുക്കാനും തയാറുള്ള നായികയാണ് അനുഷ്‌ക ശര്‍മ്മ. അതുകൊണ്ടുതന്നെ ബോളിവുഡില്‍ തനിക്കായി ഒരിടം അനുഷ്‌ക നേടിയിട്ടുമുണ്ട്. ക്രിക്കറ്റ് താരം വിരാട് കോഹ് ലിയുമായുള്ള വിവാഹ ശേഷവും തന്റെ അഭിനയ ജീവതം നിര്‍ത്താന്‍ അവര്‍ തയാറായിരുന്നില്ല. അഭിനയത്തോട് അത്രമാത്രം അഭിനിവേശമുണ്ടായിരുന്നു താരത്തിന്.
അതുപൊലെ എന്നും സമൂഹമാധ്യമത്തിലെ നായികയും അവരായിരുന്നു ഗോസിപ്പാകട്ടെ, സൗഹൃദം പ്രണയം, ജീവിതം എല്ലാം എപ്പോഴും ചര്‍ച്ചയാണ്. എന്തിന് അനുഷ്‌ക വിരാടിന്റെ ടീ ഷര്‍ട്ട് ഇട്ടാല്‍ പോലും ആരാധകര്‍ വെറുതെ വിടാറില്ല.
എന്നാല്‍ സമൂഹമാധ്യമങ്ങളില്‍ ഇപ്പോള്‍ ചര്‍ച്ചയാകുന്നത് അനുഷ്‌കയുടെ ഒരു ചിത്രമാണ്. ക്യൂട്ട് ആന്റ് ബ്യൂട്ടിഫുളായിരുന്ന തങ്ങളുടെ അനുഷ്‌കയ്ക്ക് ഇതെന്തു പറ്റിയെന്നാണ് ചിത്രം കണ്ട ഏവരുടെയും ചോദ്യം. സ്റ്റാന്റേര്‍ഡ് ചാര്‍ട്ടേഡിന്റെ ടെലിവിഷന്‍ പരസ്യത്തിന് വേണ്ടി നടത്തിയ മേക് ഓവര്‍ കണ്ട് അമ്പരന്നിരിക്കുകയാണ് താരത്തിന്റെ ആരാധകരെല്ലാം. കണ്ടാല്‍ അന്‍പതിനോടുത്ത് പ്രായം തോന്നിക്കുന്ന സ്ത്രീ ആയാണ് അനുഷ്‌ക പ്രത്യക്ഷപ്പെടുന്നത്.
അനുഷ്‌ക ശര്‍മ്മ ഫാന്‍ ക്ലബിന്റെ ട്വിറ്റര്‍ പേജിലാണ് ചിത്രം പങ്കുവച്ചിരിക്കുന്നത്. മേക് ഓവറിന്റെ പല ഘട്ടങ്ങളിലുളള ചിത്രങ്ങളാണ് ട്വിറ്റര്‍ അക്കൗണ്ടില്‍ പങ്കുവച്ചിരിക്കുന്നത്.
