അനുഷ്ക ശർമ്മ നായികയാകുന്ന പാരിയിലെ ആദ്യ ടീസർ പുറത്തെത്തി. അനുഷ്കയുടെ കഥാപാത്രത്തിനെയാണ് ടീസറിൽ ആദ്യം കാണിക്കുന്നത്. തുടർന്ന് അനുഷ്കയുടെ,മുഖത്തും, കണ്ണിലും എല്ലാം രക്തം നിറയുന്നതും ടീസറിൽ കാണാൻ കഴിയും.
ഭയപ്പെടുത്തുന്ന ലുക്കുമായി എത്തിയ പാരി ഒരു ഹൊറർ ചിത്രമാണ്. വിദ്യ ബാലന്‍ നായികയായ കഹാനിയിലൂടെ ശ്രദ്ധിക്കപ്പെട്ട ബംഗാളി നടന്‍ പരംബ്രത ചാറ്റര്‍ജിയാണ് ചിത്രത്തിലെ നായകന്‍.
ഫെബ്രുവരി 9 ന് ചിത്രം തീയേറ്ററുകളിൽ എത്തുമെന്നാണ് ലഭിക്കുന്ന വിവരം. അനുഷ്കയുടെ തന്നെ നിര്‍മ്മാണക്കമ്പനിയായ ക്ലീന്‍ സ്‌ളേറ്റ് ഫിലിംസാണ് പാരി ഒരുക്കിയിരിക്കുന്നത്. ക്ലീന്‍ സ്‌ളേറ്റ് ഫിലിംസിന്റെ മൂന്നാമത്തെ ചിത്രമാണ് പാരി.
