ജയസൂര്യ നായകനായി എത്തുന്ന പുതിയ ചിത്രം അന്വേഷണത്തിന്റെ ട്രെയ്‌ലര്‍ പുറത്തിറങ്ങി. ലില്ലി എന്ന ചിത്രത്തിനു ശേഷം പ്രശോഭ് വിജയന്‍ സംവിധാനം ചെയ്യുന്ന ചിത്രമാണ് അന്വേഷണം.
‘സത്യം എന്നും വിചിത്രമാണ്’ എന്ന ടാഗ് ലൈനാണ് ചിത്രത്തിന് നല്‍കിയിരിക്കുന്നത്. ത്രില്ലര്‍ വിഭാഗത്തില്‍ പെടുന്ന ചിത്രം ഒരു ആശുപത്രിയെ ചുറ്റിപ്പറ്റിയുള്ള കഥാസന്ദര്‍ഭങ്ങളുമായാണ് മുന്നോട്ട് പോകുന്നത്. ലാല്‍, വിജയ് ബാബു, ലെന, ശ്രുതി രാമചന്ദ്രന്‍, ലിയോണ ലിഷോയ് തുടങ്ങിയവരും ചിത്രത്തില്‍ അണിനിരക്കുന്നുണ്ട്.
തിരക്കഥ ഫാന്‍സിസ് തോമസിന്റേതാണ്. മുകേഷ് മെഹ്ത, എ വി അനൂപ്, സി വി സാരഥി എന്നിവര്‍ ചേര്‍ന്നാണ് നിര്‍മാണം. ചിത്രം ഈ മാസം 31ന് പ്രദര്‍ശനത്തിനെത്തും.
