ടച്ച് പ്രശ്‌നങ്ങള്‍ക്കായുള്ള ഐഫോണ്‍ 11 ഉപയോക്താക്കള്‍ക്ക് സൗജന്യമായി പ്രശ്‌നം പരിഹരിക്കാമെന്ന് ആപ്പിള്‍ അറിയിച്ചു. ഇതിന്റെ ഭാഗമായി ഡിസ്‌പ്ലേ മൊഡ്യൂള്‍ റീപ്ലേസ്‌മെന്റ് പ്രോഗ്രാം വെള്ളിയാഴ്ച പ്രഖ്യാപിച്ചു. 2019 നവംബര്‍ മുതല്‍ 2020 മെയ് വരെ നിര്‍മ്മിച്ച ടച്ച് പ്രശ്‌നങ്ങളുള്ള ഐഫോണ്‍ 11 മോഡലുകള്‍ നന്നാക്കും. ടച്ച് സ്‌ക്രീന്‍ പ്രശ്‌നങ്ങളുള്ള ഐഫോണ്‍ 11 ഉടമകള്‍ക്ക് യൂണിറ്റിന്റെ സീരിയല്‍ നമ്പര്‍ ഒരു ഓട്ടോമേറ്റഡ് വെരിഫിക്കേഷന്‍ സിസ്റ്റത്തിലേക്ക് നല്‍കാം.
ആപ്പിളിന്റെ സപ്പോര്‍ട്ട് വെബ്‌സൈറ്റ് അല്ലെങ്കില്‍ . നിങ്ങളുടെ ഫോണിന്റെ യോഗ്യത അനുസരിച്ച്, ആപ്പിളോ അല്ലെങ്കില്‍ ഒരു ആപ്പിള്‍ അംഗീകൃത ഏജന്‍സിയോ ഫോണ്‍ സൗജന്യമായി മാറ്റിത്തരികയോ നന്നാക്കി തരികയോ ചെയ്യും.റിപ്പയര്‍ പ്രോഗ്രാമിനായി അപേക്ഷിക്കുന്നതിന് മുമ്പ് ഉപയോക്താക്കള്‍ നിലവിലുള്ള ഏതെങ്കിലും പ്രശ്‌നങ്ങള്‍ ഉണ്ടെങ്കില്‍ അതു പരിഹരിക്കണമെന്ന് ആപ്പിള്‍ പറയുന്നു. ‘നിങ്ങളുടെ ഐഫോണ്‍ 11 ന് കേടുപാടുകള്‍ സംഭവിച്ചിട്ടുണ്ടെങ്കില്‍, അത് കേടായ സ്‌ക്രീന്‍ പോലുള്ള അറ്റകുറ്റപ്പണി പൂര്‍ത്തിയാക്കാനുള്ള കഴിവിനെ തടസ്സപ്പെടുത്തുന്നുവെങ്കില്‍, സേവനത്തിന് മുമ്പായി ആ പ്രശ്‌നം പരിഹരിക്കേണ്ടതുണ്ട്.
