ലണ്ടന്‍: യൂറോപ്പ് ഫിലിം ഫെസ്റ്റിവലില്‍ മലയാള ഹ്രസ്വ ചിത്രമായ ‘ആപ്പിളി’ ന് പുരസ്‌കാരം. ചിത്രസംയോജനത്തിനാണ് പ്രത്യേക ജൂറി പുരസ്‌കാരത്തിന് ചിത്രം നേടിയത്.ലണ്ടന്‍ ആസ്ഥാനമാക്കി നടക്കുന്ന ഫെസ്റ്റിവലില്‍ കണ്ണൂര്‍ സ്വദേശി പ്രിയ എസ്.പിള്ളയ്ക്കാണ് പുരസ്‌കാരം ലഭിച്ചത്. ഇത്തവണത്തെ യൂറോപ്പ് ചലച്ചിത്രമേളയില്‍ പുരസ്‌കാരം നേടിയ രണ്ട് ഇന്ത്യന്‍ ചിത്രങ്ങളില്‍ ഒന്നാണ് ‘ആപ്പിള്‍’. ഇതുവരെ ‘ആപ്പിള്‍’ ആറ് മേളകളിലേക്ക് തിരഞ്ഞെടുക്കപ്പെട്ടു.
പ്രിയയുടെ ആദ്യ ഹ്രസ്വ ചിത്രമാണ് ആപ്പിള്‍. ഒട്ടേറെ പുരസ്‌കാരങ്ങള്‍ കരസ്ഥമാക്കിയ ‘Waft ‘ എന്ന ഹ്രസ്വ ചിത്രം സംവിധാനം ചെയ്ത വിഷ്ണു ഉദയനാണ് ‘ആപ്പിള്‍’ സംവിധാനം ചെയ്തിരിക്കുന്നത്. കണ്ണൂര്‍ ഇരിട്ടി സ്വദേശിനിയാണ് പ്രിയ. വാഗമണ്‍ ഡിസി കോളേജിലെ മുന്‍ അധ്യാപികയായിരുന്ന പ്രിയ ആദ്യമായിയാണ് ഹ്രസ്വ ചിത്രത്തിന് ചിത്രസംയോജനം നിര്‍വഹിക്കുന്നത്.
