ന്യൂഡല്‍ഹി: ലോക്‌സഭാ തെരഞ്ഞെടുപ്പില്‍ മത്സരിക്കുന്ന ബിജെപി സ്ഥാനാര്‍ഥി മനോജ് തിവാരിയെ പരിഹസിച്ച് ഡല്‍ഹി മുഖ്യമന്ത്രിയും ആം ആദ്മി പാര്‍ട്ടി നേതാവുമായ അരവിന്ദ് കേജരിവാള്‍. മനോജ് തിവാരിയുടെ ഡാന്‍സ് മികച്ചതാണ്. തിവാരിക്ക് ഡാന്‍സ് ചെയ്യാന്‍ നന്നായി അറിയാമെന്നും എന്നാല്‍ ജനസേവനം അറിയില്ലെന്നും കേജരിവാള്‍ പരിഹസിച്ചു.ആം ആദ്മി പാര്‍ട്ടി സ്ഥാനാര്‍ഥി ദിലീപ് പാണ്ഡെയുടെ തെരഞ്ഞെടുപ്പ് പ്രചരണത്തിനിടെയായിരുന്ന കേജരിവാളിന്റെ പരിഹാസം.
എങ്ങനെ ഡാന്‍സ് ചെയ്യാമെന്ന് മനോജ് തിവാരിയ്ക്ക് നന്നായി അറിയാം. എന്നാല്‍ ഞങ്ങളുടെ സ്ഥാനാര്‍ഥിയായ ദിലീപ് പാണ്ഡെയ്ക്ക് ഡാന്‍സ് അറിയില്ല. പക്ഷേ എങ്ങനെ ജനസേവനം ചെയ്യണമെന്ന് അദ്ദേഹത്തിനറിയാം. ജനങ്ങള്‍ക്ക് വേണ്ടി പ്രവര്‍ത്തിക്കുന്നവര്‍ക്കാണ് വോട്ട് ചേയ്യേണ്ടത്. അല്ലാതെ നന്നായി ഡാന്‍സ് ചെയ്യുന്നവര്‍ക്കല്ലെന്നും കേജരിവാള്‍ കൂട്ടിച്ചേര്‍ത്തു.
