അർജ്ജുൻ റെഡ്ഡി ചിത്രത്തിന്റെ സംവിധായകൻ സന്ദീപ് റെഡ്ഡി വാംഗയും, തെലുങ്ക് സൂപ്പർ സ്റ്റാർ മഹേഷ് ബാബുവും ഒന്നിക്കുന്നു. മഹേഷ് ബാബുവിന് പുതിയ ചിത്രത്തിന്റെ കഥ ഇഷ്ടമായെന്നും , ചിത്രത്തിനെ സംബന്ധിച്ച ചർച്ചകൾ നടക്കുകയാണെന്നുമാണ് റിപ്പോർട്ടുകൾ.
സന്ദീപ് റെഡ്ഡിയുടെ കഴിഞ്ഞ വർഷം പുറത്തിറങ്ങിയ അർജ്ജുൻ റെഡ്ഡി മികച്ച വിജയമാണ് നേടിയത്. നിലവിൽ പൊളിറ്റിക്കൽ ത്രില്ലർ ഭാരത് അനേ നേനുവിലാണ് മഹേഷ് ബാബു അഭിനയിക്കുന്നത്. എന്തായാലും വീണ്ടുമൊരു ഹിറ്റ് ചിത്രം ഇരുവരും ഒന്നിക്കുമ്പോൾ കാണാമെന്ന പ്രതീക്ഷയിലാണ് പ്രേക്ഷകർ.
