തെലുങ്ക് ചിത്രം അര്‍ജുന്‍ റെഡ്ഡിയുടെ ഹിന്ദി റീമേക്കിനു പേരിട്ടു. കബീര്‍ സിങ് എന്നാണ് ചിത്രത്തിന് പേരിട്ടിരിക്കുന്നത്. ഷാഹിദ് കപൂറാണ് അര്‍ജുന്‍ റെഡ്ഡിയായി വേഷമിടുന്നത്. കൈറ അദ്വാനിയാണ് നായിക. സന്ദീപ് വംഗയാണ് ചിത്രം സംവിധാനം ചെയ്യുന്നത്. ഷാഹിദ് കപൂറാണ് ട്വിറ്ററിലൂടെ പോസ്റ്റര്‍ പുറത്തുവിട്ടത്. ടിസീരിസാണ് ചിത്രം നിര്‍മ്മിക്കുന്നത്. 2019 ജൂണ്‍ 21ന് ചിത്രം റിലീസ് ചെയ്യും.
#ArjunReddy was loved and appreciated now it is time for #KabirSingh! Get reddy to see him in 2019.?@Advani_Kiara @imvangasandeep @itsBhushanKumar @MuradKhetani #KrishanKumar @ashwinvarde @Tseries @Cine1Studios @KabirSinghMovie pic.twitter.com/WINiYR8875
— Shahid Kapoor (@shahidkapoor) October 26, 2018
തമിഴ് റീമേക്കില്‍ നടന്‍ വിക്രമിന്റെ മകന്‍ ധ്രുവ് വിക്രം ആണ് അര്‍ജുന്‍ റെഡ്ഡിയുടെ വേഷത്തിലെത്തുന്നത്. രണ്ട് വ്യത്യസ്ത ലുക്കുകളിലാണ് ധ്രുവ് ചിത്രത്തിലെത്തുന്നത്. മേഘ ചൗധരിയാണ് നായികാവേഷത്തിലെത്തുന്നത്. നാഷണല്‍ അവാര്‍ഡ് ജേതാവ് ബാലയാണ് ചിത്രം സംവിധാനം ചെയ്യുന്നത്. തെലുങ്ക് പതിപ്പില്‍ വിജയ് ദേവരകൊണ്ടയും ശാലിനി പാണ്ഡേയുമാണ് പ്രധാന വേഷങ്ങളിലെത്തിയത്. മെഡിക്കല്‍ സര്‍ജന്റെ വേഷത്തിലാണ് അര്‍ജുന്‍ റെഡ്ഡി എത്തിയത്.
