ശ്രീനഗര്‍: ജമ്മു കശ്മീരില്‍ കരസേനയുടെ ഹെലികോപ്റ്റര്‍ ഇടിച്ചിറക്കി. ഉദംപൂരിലെ വനമേഖലയിലാണ് ഹെലികോപ്റ്റര്‍ ഇടിച്ചിറക്കിയത്.
ഉദംപൂരിലെ ശിവ് ഗഡ് ധറില്‍ ഇന്ന് രാവിലെയാണ് സംഭവം. ഹെലികോപ്റ്ററില്‍ രണ്ട് സൈനികരായിരുന്നു ഉണ്ടായിരുന്നത്. ഇവരെ പൊലീസെത്തി രക്ഷപ്പെടുത്തി. പരുക്കേറ്റ സൈനികരെ ആശുപത്രിയില്‍ പ്രവേശിപ്പിച്ചു.
പ്രദേശത്ത് മൂടല്‍മഞ്ഞ് ഉണ്ടായിരുന്നതായി പൊലീസ് പറഞ്ഞു. സംഭവത്തില്‍ വിശദമായ അന്വേഷണം നടത്തുമെന്നും പൊലീസ് അറിയിച്ചു.
