ശ്രീനഗര്‍: കശ്മീരില്‍ സുരക്ഷാസേന ഏറ്റുമുട്ടലില്‍ ഹിസ്ബുള്‍ മുജാഹിദ്ദീന്‍ ഭീകരനെ വധിച്ചു.
യവാര്‍ നിസാര്‍ ഷെര്‍ഗുജ്‌രിയാണ് കൊല്ലപ്പെട്ടത്. അനന്ത്‌നാഗ് ജില്ലയിലെ ഹെര്‍പോറ മേഖലയില്‍ നടന്ന ഏറ്റുമുട്ടലിലാണ് ഭീകരനെ സേന വധിച്ചത്. ഒരു അജ്ഞാതനും ഏറ്റുമുട്ടലില്‍ കൊല്ലപ്പെട്ടിട്ടുണ്ട്.
ഹെര്‍പോറ മേഖലയില്‍ മൂന്നു ഭീകരരുടെ സാന്നിധ്യമറിഞ്ഞ് പോലീസും സിആര്‍പിഎഫും സംയുക്തമായി നടത്തിയ ആക്രമണത്തിലാണ് ഭീകരന്‍ കൊല്ലപ്പെട്ടത്. ഭീകരരുമായുള്ള ഏറ്റുമുട്ടലില്‍ ഒരു സൈനികനു പരിക്കേറ്റു. രണ്ടു ഭീകരര്‍ ഓടി രക്ഷപ്പെട്ടു. ഇവര്‍ക്ക് വേണ്ടി തെരച്ചില്‍ ഊര്‍ജിതമാക്കിയിട്ടുണ്ട്.
