അഹമ്മദാബാദ്: ഗുജറാത്തിലെ ദളിത് നേതാവ് ജിഗ്നേഷ് മേവാനിക്കെതിരായ ജാമ്യമില്ലാ അറസ്റ്റ് വാറണ്ട് കോടതി പിന്‍വലിച്ചു.
ഡല്‍ഹി രാജധാനി എക്‌സ്പ്രസ് ട്രെയിന്‍ തടഞ്ഞതുമായി ബന്ധപ്പെട്ട കേസില്‍ തിങ്കളാഴ്ച ഹാജരാകാതിരുന്നതിനെ തുടര്‍ന്നാണ് അഹമ്മദാബാദ് മെട്രോപോളിറ്റിയന്‍ കോടതി അറസ്റ്റ് വാറണ്ട് പുറപ്പെടുവിച്ചത്.
നാമനിര്‍ദേശ പത്രികാ സമര്‍പ്പണവുമായി ബന്ധപ്പെട്ടാണ് കോടതിയില്‍ ഹാജരാകാതിരുന്നതെന്ന് മേവാനിയുടെ അഭിഭാഷകന്‍ അറിയിച്ചതോടെയാണ് അറസ്റ്റ് വാറണ്ട് പിന്‍വലിച്ചത്.
ബുധനാഴ്ച മേവാനി കോടതിയില്‍ ഹാജരായിരുന്നു.
