പ്രമുഖ വാണിജ്യ ചലച്ചിത്ര സംവിധായകന്‍ ഹരിയുടെ സംവിധാനത്തില്‍ അരുണ്‍ വിജയ് പ്രധാന വേഷത്തില്‍ എത്തുന്ന തമിഴ് ചിത്രമാണ് യാനൈ.
മാഫിയ: ചാപ്റ്റര്‍ 1 എന്ന ചിത്രത്തിന് ശേഷം അരുണ്‍ വിജയ്ക്കൊപ്പം അഭിനയിക്കുന്ന പ്രിയ ഭവാനി ശങ്കറാണ് യാനയിലെ നായിക. ചിത്രം ജൂണ്‍ 17ന് തീയറ്ററില്‍ പ്രദര്‍ശനത്തിന് എത്തും. ഇപ്പോള്‍ സിനിമയിലെ പുതിയ പോസ്റ്റര്‍ പുറത്തിറങ്ങി.
അരുണ്‍ വിജയ്, പ്രിയ ഭവാനി ശങ്കര്‍ എന്നിവരെ കൂടാതെ, യാനയില്‍ മറ്റ് നിരവധി പ്രമുഖ അഭിനേതാക്കള്‍ സഹകഥാപാത്രങ്ങളെ അവതരിപ്പിക്കുന്നു, കൂടാതെ രാധിക ശരത്കുമാര്‍, കെജിഎഫ് ഫെയിം ഗരുഡ റാം, സമുദ്രക്കനി, യോഗി ബാബു, രാജേഷ്, അമ്മു അഭിരാമി, ജയപാലന്‍, കുക്ക് വിത്ത് കോമാളി ഫെയിം പുഗാജ്, ബോസ് വെങ്കട്ട് എന്നിവരും ഉള്‍പ്പെടുന്നു. , തലൈവാസല്‍ വിജയ്, ഇമ്മാന്‍ അണ്ണാച്ചി, ഐശ്വര്യ, രമ, തുടങ്ങിയവര്‍. ഗരുഡ റാം പ്രതിനായകനായി അഭിനയിക്കുന്നു.
