നിലമ്പൂര്‍: തനിക്കെതിരെ വിവാദദൃശ്യങ്ങളുണ്ടെന്ന് സോളാര്‍ കമ്മീഷനില്‍ മൊഴി നല്‍കിയ ബിജു രാധാകൃഷ്ണനെ ദൃശ്യങ്ങള്‍ പുറത്തുവിടാന്‍ വെല്ലുവിളിക്കുന്നതായി ആര്യാടന്‍ ഷൗക്കത്ത്.
അത്തരം ദൃശ്യങ്ങള്‍ കൈയ്യിലുണ്ടെന്നു പറയുന്ന ബിജു രാധാകൃഷ്ണന്‍ ഒരു കോപ്പിയെങ്കിലും മാധ്യമങ്ങള്‍ക്കു നല്‍കാന്‍ തയ്യാറാകണം. അടിസ്ഥാനരഹിതമായ ആരോപണം ഉന്നയിച്ച ബിജു രധാകൃഷ്ണനെതിരെ നിയമനടപടി സ്വീകരിക്കും.
ഇത്തരം ബ്ലാക്ക് മെയിലിങ് തന്ത്രങ്ങളിലൂടെ പൊതുപ്രവര്‍ത്തനനത്തിലൂടെ ആര്‍ജ്ജിച്ച വിശ്വാസ്യതയെ തകര്‍ക്കാനാവില്ലെന്നും ഷൗക്കത്ത് പറഞ്ഞു.
