സിഡ്‌നി: ആഷസ് പരമ്പരയിലെ അവസാന ടെസ്റ്റില്‍ ഇംഗ്ലണ്ടിന് അടിതെറ്റി. ക്യാപ്റ്റന്‍ ജോ റൂട്ടും, ഡേവിഡ് മലനും അര്‍ധസെഞ്ചുറി നേടിയതുള്‍പ്പെടെ സ്‌കോര്‍ 228/3 എന്ന നിലയിലായിരുന്നു ഇംഗ്ലണ്ട്.
എന്നാല്‍ അവസാന ഓവറുകളില്‍ റൂട്ടിനെ(83) മിച്ചല്‍ സ്റ്റാര്‍ക്കും, ബെയര്‍‌സ്റ്റോയെ(5) ഹേസല്‍വുഡും മടക്കിയതോടെ 233/5 എന്ന നിലയില്‍ ആദ്യ ദിനത്തില്‍ ഇംഗ്ലണ്ടിന് പുറത്താകേണ്ടി വന്നു.
ടോസ് നേടി ക്രീസിലിറങ്ങിയ ഇംഗ്ലണ്ടിന് അലിസ്റ്റര്‍ കുക്കും(39), സ്റ്റോണ്‍മാനും(29) ചേര്‍ന്ന് ഭേദപ്പെട്ട തുടക്കം നല്‍കി. സ്റ്റോണ്‍മാനെയും, മികച്ച വിന്‍സിനെയും(25) കമിന്‍സ് മടക്കിയപ്പോള്‍ കുക്കിനെ ഹേസല്‍വുഡ് വീഴ്ത്തി. ഇതിനുശേഷമായിരുന്നു റൂട്ടും മലനും ചേര്‍ന്ന് സെഞ്ചുറി കൂട്ടുകെട്ടിലൂടെ ഇംഗ്ലണ്ടിനെ മികച്ച നിലയിലെത്തിച്ചത്.
ആദ്യ മൂന്ന് ടെസ്റ്റും ജയിച്ച് ഓസീസ് പരമ്പര സ്വന്തമാക്കിയപ്പോള്‍ നാലാം ടെസ്റ്റ് സമനിലയിലെത്തി.
