ബ്രിസ്‌ബെയിന്‍: ഇംഗ്ലണ്ടിനെതിരായ ആഷസ് ടെസ്റ്റ് പരമ്പരയില്‍ ഓസ്ട്രേലിയ പൊരുതി ജയിച്ചു.
ആദ്യ മത്സരത്തില്‍ പത്ത് വിക്കറ്റിനാണ് ഓസ്‌ട്രേലിയയുടെ ജയം.
രണ്ടാം ഇന്നിങ്‌സില്‍ 51 റണ്‍സെടുത്ത് ക്യാപ്റ്റന്‍ ജോ റൂട്ടും 40 റണ്‍സെടുത്ത് മോയിന്‍ അലിയും 42 റണ്‍സെടുത്ത് ജോണി ബെയര്‍‌സ്റ്റോവും ചെറുത്ത് നില്‍പ്പിന് ശ്രമിച്ചെങ്കിലും 195 റണ്‍സിന് എല്ലാവരും പുറത്താവുകയായിരുന്നു.
ഓസിസിനായി മിച്ചല്‍ സ്റ്റാര്‍ക്ക്, നഥാന്‍ ലിയോണ്‍, ജോഷ് ഹെയ്‌സല്‍വുഡ് എന്നിവര്‍ മൂന്ന് വിക്കറ്റ് വീതം വീഴ്ത്തി.
വിക്കറ്റ് നഷ്ടം കൂടാതെ അഞ്ചാം ദിനം മത്സരം തുടങ്ങിയ ഓസ്‌ട്രേലിയയെ 87 റണ്‍സെടുത്ത ഡേവിഡ് വാര്‍മറിന്റെയും 82 റണ്‍സെടുത്ത ബെന്‍ക്രോഫ്റ്റിന്റെയും കൂട്ടുകെട്ടാണ് വിജയത്തിലേക്ക് എത്തിച്ചത്.
നേരത്തെ, നായകന്‍ സ്റ്റീവ് സ്മിത്തിന്റെ ഒറ്റയാള്‍ പോരാട്ടമാണ് ഓസീസിന് ലീഡ് നേടിക്കൊടുത്തത്.
326 പന്തില്‍ നിന്ന് 141 റണ്‍സ് എന്ന കരുത്തുറ്റ ശതകവുമായി സ്മിത്ത് പുറത്താകാതെ നിന്നു.
ഇംഗ്ലണ്ടിന്റെ 302 റണ്‍സ് പിന്തുടര്‍ന്ന ഓസീസ് 328 റണ്‍സിനു പുറത്തായിരുന്നു.
