ഢാക്ക: ഏഷ്യാ കപ്പ് ട്വറ്റി 20യിലെ അവസാന ഗ്രൂപ്പ് മത്സരത്തില്‍ ശ്രീലങ്കയ്‌ക്കെതിരെ പാകിസ്ഥാന് ജയം. ടൂര്‍ണമെറ്റില്‍ ചിരവൈരികളായ ഇന്ത്യയോടും ബംഗ്ലാദേശിനോടും ഏറ്റ തോല്‍വിക്ക് ആശ്വാസമെന്നോണം ലങ്കയ്‌ക്കെതിരെ ആറ് വിക്കറ്റിന്റെ വിജയവുമായാണ് ഷാഹിദ് അഫ്രീദിയുടെ ടീം നാട്ടിലേക്ക് മടങ്ങുന്നത്.
ലങ്ക ഉയര്‍ത്തിയ 150റണ്‍സ് ലക്ഷ്യം നാല് പന്ത് മാത്രം ബാക്കി നില്‍ക്കെ മറികടക്കുകയായിരുന്നു പാക് താരങ്ങള്‍. ഉമര്‍ അക്മലും(48) സര്‍ഫ്രാസ് അഹമ്മദും ചേര്‍ന്നാണ് ആശ്വാസ ജയം സമ്മാനിച്ചത്. ഓപ്പണര്‍ ഷര്‍ജീല്‍ ഖാന്‍ 31 റണ്‍സെടുത്ത് മികച്ച തുടക്കം നല്‍കി. ഹഫീസ് 14 റണ്‍സില്‍ പുറത്തായി.
