ആഷിക് അബു സംവിധാനം ചെയ്ത മായാനദിയുടെ വന്‍ വിജയത്തിനു ശേഷം നടി ഐശ്വര്യ ലക്ഷ്മി ആസിഫ് അലിയുടെ നായികയായി എത്തുന്നു. സൂപ്പര്‍ ഹിറ്റ് ചിത്രം സണ്‍ഡേ ഹോളിഡേയ്ക്ക് ശേഷം ആസിഫ് അലിയെ നായകനാക്കി ജിസ് ജോയ് സംവിധാനം നിര്‍വഹിക്കുന്ന ‘വിജയ് സൂപ്പറും പൗര്‍ണമിയും’ എന്ന ചിത്രത്തിലാണ് ഐശ്വര്യ ലക്ഷ്മി നായികയായെത്തുന്നത്. നേരത്തെ മംമ്താ മോഹന്‍ദാസിനെയായിരുന്നു ഈ ചിത്രത്തില്‍ നായികയായി നിശ്ചയിച്ചിരുന്നത്.
ജൂലായ് ഒന്നിന് എറണാകുളത്ത് സിനിമയുടെ ചിത്രീകരണം ആരംഭിക്കും. വിജയ് സൂപ്പറും പൗര്‍ണമിയുടെ മറ്റൊരു ലൊക്കേഷന്‍ പോണ്ടിച്ചേരിയാണ്. ഓണത്തിന് തിയേറ്ററുകളിലെത്തുന്ന അമല്‍ നീരദ് ചിത്രം വരത്തനിലും ഫഹദിന്റെ നായിക ഐശ്വര്യ ലക്ഷ്മിയാണ്.
