ടിന്‍സുകിയ:അസമിലെ ടിന്‍സുകിയയില്‍ സൈന്യവും ഉള്‍ഫ തീവ്രവാദികളും തമ്മിലുള്ള ഏറ്റുമുട്ടലില്‍ മൂന്ന് സൈനികര്‍ മരിച്ചു. ഒരാള്‍ക്ക് പരിക്കേറ്റു.
ഡിഗ്‌ബോയിയില്‍ വച്ച് പുലര്‍ച്ചെ 5.30 ഓടെയായിരുന്നു ആക്രമണം. സൈനിക വാഹനവ്യൂഹം കടന്നുപോകുമ്പോള്‍ റോഡില്‍ സ്ഥാപിച്ചിരുന്ന കുഴിബോംബ് പൊട്ടിത്തെറിക്കുകയായിരുന്നു.
സ്‌ഫോടനത്തിന് പിന്നാലെ തീവ്രവാദികള്‍ വാഹന വ്യൂഹത്തിലുണ്ടായിരുന്ന സൈനിക വാഹനങ്ങള്‍ക്ക് നേരെ വെടിയുതിര്‍ത്തു. സുരക്ഷാ സൈനികരും തീവ്രവാദികളും തമ്മില്‍ ഏറ്റുമുട്ടല്‍ തുടരുകയാണ്.
ബുധനാഴ്ച പേങ്കേരി തേയില തോട്ടത്തില്‍ വച്ച് തീവ്രവാദികള്‍ വാനിന് നേര്‍ക്ക് നടത്തിയ ആക്രമണത്തില്‍ ഒരാള്‍ കൊല്ലപ്പെടുകയും രണ്ട് പേര്‍ക്ക് പരിക്കേല്‍ക്കുകയും ചെയ്തു.
