മലപ്പുറം: നിയമസഭ തെരഞ്ഞെടുപ്പില്‍ ആറ് സീറ്റ് അധികം ആവശ്യപ്പെട്ട് ലീഗ്. യുഡിഎഫ് കണ്‍വീനറുമായി നടത്തിയ കൂടിക്കാഴ്ചയിലാണ് പാര്‍ട്ടി നിലപാട് അറിയിച്ചത്. വിശദമായി ചര്‍ച്ച ചെയ്യുമെന്ന് യുഡിഎഫ് കണ്‍വീനര്‍ എംഎം ഹസ്സന്‍ അറിയിച്ചു.
മലബാറില്‍ മൂന്ന് സീറ്റും മധ്യകേരളത്തിലും തെക്കന്‍ കേരളത്തിലുമായി മറ്റ് മൂന്ന് സീറ്റുകളുമാണ് ആവശ്യപ്പെട്ടത്. 23 ന് നടക്കുന്ന യുഡിഎഫ് യോഗത്തിന് ശേഷം സീറ്റുകള്‍ സംബന്ധിച്ചുള്ള ചര്‍ച്ചകള്‍ തുടങ്ങും.
കരുനാഗപ്പള്ളി, അമ്ബലപ്പുഴ, പൂഞ്ഞാര്‍, പേരാമ്ബ്ര, കൂത്തുപറമ്ബ് അല്ലെങ്കില്‍ തളിപ്പറമ്ബ്, പട്ടാമ്ബി അല്ലെങ്കില്‍ ഒറ്റപ്പാലം സീറ്റുകള്‍ നല്‍കണമെന്നാണ് ലീഗിന്റെ ആവശ്യം. എംഎം ഹസന്‍ പാണക്കാട് എത്തിയപ്പോഴാണ് ലീഗ് ഔദ്യോഗികമായി ആവശ്യം ഉന്നയിച്ചത്.
