അസൂസ് ആര്‍ഒജി ഫോണ്‍ 2 ഇന്ത്യയില്‍ അവതരിപ്പിച്ചു. അസൂസ് നിര്‍മ്മിക്കുന്ന ആര്‍ഒജി ഫോണ്‍ 2ന്റെ ഏറ്റവും മികച്ച പതിപ്പായ ഈ സ്മാര്‍ട് ഫോണ്‍ രണ്ട് വേരിയന്റുകളിലാണ് അവതരിപ്പിച്ചത്. ആര്‍ഒജി ഫോണ്‍ 2ന്റെ മുന്‍നിര വേരിയന്റ് ഫ്ലിപ്കാര്‍ട്ടില്‍ വില്‍പന തുടങ്ങി.
ബേസിക്ക് പതിപ്പിന് 37,999 രൂപ മാത്രമേ ഉള്ളൂവെങ്കിലും ആര്‍ഒജി 2ന്റെ പൂര്‍ണ്ണമായി ലോഡുചെയ്ത പതിപ്പ് 59,999 രൂപ നല്‍കണം. അധിക വിലയ്ക്ക്, സാധാരണ മോഡലിനേക്കാള്‍ കൂടുതല്‍ കാര്യങ്ങള്‍ അസൂസ് വാഗ്ദാനം ചെയ്യുന്നു. തുടക്ക മോഡലില്‍ റാം 12 ജിബി വരെയും സ്റ്റോറേജ് 512 ജിബി വരെയുമുണ്ട്. ഫാസ്റ്റ് ചാര്‍ജ് 4.0 നുള്ള പിന്തുണയോടെ വേഗതയേറിയ 30വാട്സ് ഹൈപ്പര്‍ ചാര്‍ജറും ഈ വേരിയന്റ് വാഗ്ദാനം ചെയ്യുന്നു.
ഇതൊരു ഗെയിമിംഗ് ഫോണ്‍ ആയതിനാല്‍ ഏറ്റവും ശക്തമായ ഹാര്‍ഡ്വെയര്‍ ഉള്ളില്‍ ഉപയോഗിക്കുന്നു. ആര്‍ഒജി ഫോണ്‍ 2 ഒരു സ്നാപ്ഡ്രാഗണ്‍ 855 പ്ലസ് ചിപ്സെറ്റിനൊപ്പം വരുന്നു. പിന്നില്‍, 48 മെഗാപിക്സല്‍ സോണി ഐഎംഎക്സ് 586 സജ്ജീകരിച്ച പ്രധാന ക്യാമറയും 13 മെഗാപിക്സല്‍ വൈഡ് ആംഗിള്‍ ക്യാമറയും സംയോജിപ്പിച്ചിരിക്കുന്നു.
