തിരുവനന്തപുരം: കിഴക്കേകോട്ടയില്‍ രണ്ട് വയസുള്ള കുഞ്ഞിനെ തട്ടിക്കൊണ്ടു പോകാന്‍ ശ്രമം. മണ്ണന്തല സ്വദേശി പ്രസാദിന്റെ കുഞ്ഞിനെയാണ് നീതു എന്ന ട്രാന്‍സ് വുമണ്‍ തട്ടി കൊണ്ടുപോകാന്‍ ശ്രമിച്ചത്. അച്ചനോടൊപ്പം ഉണ്ടായിരുന്ന കുഞ്ഞിനെ ബലമായി പിടിച്ചു വാങ്ങാന്‍ ശ്രമിക്കുകയായിരുന്നു.
കിഴക്കേകോട്ട ബസ്റ്റാന്‍ഡ് പരിസരത്ത് കഴിഞ്ഞ ദിവസമാണ് സംഭവം.പ്രതിയായ ട്രാന്‍സ് വുമണിനെ ഫോര്‍ട്ട് പൊലീസ് കസ്റ്റഡിയിലെടുത്തിട്ടുണ്ട്. പ്രതി മദ്യ ലഹരിയില്‍ ആയിരുന്നുവെന്ന് ഫോര്‍ട്ട് പൊലീസ്. സംഭവത്തില്‍ പ്രതിക്ക് പരിക്കേറ്റിട്ടുണ്ട്. നിലവില്‍ പ്രതി ആശുപത്രിയില്‍ പൊലീസ് നിരീക്ഷണത്തില്‍ തുടരുകയാണ്.
