ഔഡി Q2 സെപ്റ്റംബറില്‍ ഇന്ത്യന്‍ വിപണിയില്‍ പുറത്തിറങ്ങും. എസ്യുവി അഞ്ച് പതിപ്പുകളില്‍ വില്‍പ്പനയ്ക്ക് എത്തുന്നു. റേഞ്ച്-ടോപ്പിംഗ് ടെക്‌നോളജി വേരിയന്റ്, എല്‍ഇഡി ഹെഡ്ലാമ്പുകള്‍, അലോയി വീലുകള്‍, ആംബിയന്റ് ലൈറ്റിംഗ്, പനോരമിക് സണ്‍റൂഫ്.
ഔഡിയുടെ ആഗോള എസ്യുവി ശ്രേണിയിലെ ഏറ്റവും ചെറിയ അംഗമാണ് Q2, പേര് സൂചിപ്പിക്കുന്നത് പോലെ, അടുത്ത തലമുറ Q3 -ക്ക് താഴെയായി ഇത് സ്ഥാനം പിടിക്കുന്നു. Q3 -യും വരും മാസങ്ങളില്‍ ഇന്ത്യയിലേക്ക് എത്താന്‍ ഒരുങ്ങുകയാണ്.
ഫോക്സ്വാഗണ്‍ ഗ്രൂപ്പിന്റെ MQB പ്ലാറ്റ്ഫോമില്‍ നിര്‍മ്മിച്ച Q2 -ന് 4,191 mm നീളവും 1,794 mm വീതിയും 1,508 mm ഉയരവും അളക്കുന്നു, കൂടാതെ 2,601 mm വീല്‍ബേസും വാഹനത്തിനുണ്ട്.
രൂപകല്‍പ്പനയുടെ കാര്യത്തില്‍, ഒരു സാധാരണ ഔഡി എസ്യുവി / ക്രോസ്ഓവര്‍ എന്ന് തല്‍ക്ഷണം തിരിച്ചറിയാന്‍ കഴിയുമെങ്കിലും, Q2 നിരവധി ബെസ്പോക്ക് സ്‌റ്റൈലിംഗ് ടച്ചുകള്‍ ഉള്‍ക്കൊള്ളുന്നു, അത് വാഹനത്തിന് അതുല്യമായ പ്രതീകം നല്‍കുന്നു. ബമ്പറുകള്‍, വീല്‍ ആര്‍ച്ചുകള്‍, റണ്ണിംഗ് ബോര്‍ഡുകള്‍ എന്നിവയിലുടനീളം കറുത്ത ക്ലാഡിംഗ് എസ്യുവിക്ക് ഒരു പരുക്കന്‍ രൂപം നല്‍കുന്നു.
190 bhp കരുത്തും 320 Nm torque ഉം പുറപ്പെടുവിക്കുന്ന 2.0 ലിറ്റര്‍ ടര്‍ബോ-പെട്രോള്‍ എഞ്ചിനില്‍ പായ്ക്ക് ചെയ്യുന്ന 40TFSI വേഷത്തില്‍ മാത്രമാണ് ഔഡിയുടെ എന്‍ട്രി ലെവല്‍ എസ്യുവി അവതരിപ്പിക്കുക. 6.5 സെക്കന്‍ഡിനുള്ളില്‍ മണിക്കൂറില്‍ 100 കിലോമീറ്റര്‍ വേഗത കൈവരിക്കാന്‍ Q2 -ന് സാധിക്കും. മണിക്കൂറില്‍ 228 കിലോമീറ്ററാവും വാഹനത്തിന്റെ പരമാവധി വേഗത.
