മെല്‍ബണ്‍: മുന്‍ ചാമ്പ്യന്‍ റാഫേല്‍ നദാലിന് ഓസ്‌ട്രേലിയന്‍ ഓപ്പണ്‍ ടെന്നിസ് ടൂര്‍ണമെന്റിന്റെ ഒന്നാം റൗണ്ടില്‍ ഞെട്ടുന്ന തോല്‍വി. നാട്ടുകാരനും ഫെര്‍ണാണ്ടോ വെര്‍ദാസ്‌ക്കോയാണ് നിലവിലെ ലോക അഞ്ചാം സീഡുകാരനായ നദാലിനെ നാല് മണിക്കൂറിലേറെ നേരം നീണ്ടുനിന്ന പോരാട്ടത്തില്‍ തറപറ്റിച്ചത്.
സ്‌കോര്‍: 76 (86), 46, 36, 76 (74), 62. മത്സരം നാലു മണിക്കൂറും 41 മിനിറ്റും നീണ്ടുനിന്നു. ലോക 45ാം റാങ്കുകരനാണ് വെര്‍ഡാസ്‌ക്കോ. ഇത് രണ്ടാം തവണയാണ് നദാല്‍ ഏതെങ്കിലും ഗ്രാന്‍ഡ് സ്ലാം ടൂര്‍ണമെന്റിന്റെ ഒന്നാം റൗണ്ടില്‍ തന്നെ തോറ്റ് പുറത്താകുന്നത്.
ഓസ്‌ട്രേലിയന്‍ ഓപ്പണില്‍ ആദ്യമായും. 2009ലെ ഓസ്‌ട്രേലിയന്‍ ഓപ്പണ്‍ ചാമ്പ്യനാണ് നദാല്‍. ബിട്ടന്റെ എട്ടാം സീഡായ വീനസ് വില്ല്യംസിനെ യൊഹാന കൊണ്‍ടയാണ് നേരിട്ടുള്ള സെറ്റുകള്‍ക്ക് അട്ടിമറിച്ചത്. സ്‌കോര്‍: 64, 62. മത്സരം 79 മിനിറ്റ് നീണ്ടുനിന്നു.
