മെല്‍ബണ്‍: നിലവിലെ ടെന്നിസ് ചാമ്പ്യന്‍ റോജര്‍ ഫെഡററെ അട്ടിമറിച്ച സ്റ്റെഫാനോസ് സിറ്റ്‌സിപാസ് ഓസ്ട്രേലിയന് ഓപ്പണ്‍ സെമിയില്‍ കടന്നു. ക്വാര്‍ട്ടറില്‍ സ്പാനിഷ് താരം റോബര്‍ട്ടോ ബോട്ടിസ്റ്റ ആഗട്ടിനെ പരാജയപ്പെടുത്തിയാണ് ഗ്രീക്ക് താരം സെമിയില്‍ പ്രവേശിച്ചത്.
ഇതോടെ നവോക് ജോക്കോവിച്ചിനു ശേഷം ഗ്രാന്‍ഡ് സ്ലാം സെമിയില്‍ എത്തുന്ന ഏറ്റവും പ്രായംകുറഞ്ഞ പുരുഷ താരത്തിന്റെ റിക്കാര്‍ഡ് സിറ്റ്‌സിപാസ് സ്വന്തമാക്കി. ഒന്നിനെതിരെ മൂന്നു സെറ്റുകള്‍ക്കായിരുന്നു സിറ്റ്‌സിപാസിന്റെ വിജയം. സ്‌കോര്‍: 75, 46, 64, 76 (72).
