താനെ: ഭാര്യയെ കൊന്ന ശേഷം ഓട്ടോറിഷാ ഡ്രൈവര്‍ ആത്മഹത്യ ചെയ്തു. വ്യാഴാഴ്ച്ച താനെയിലാണ് സംഭവം. സുനില്‍ സാഗ്ലേ (40) ഭാര്യ അര്‍ച്ചന സാഗ്ലെയെ (35) കൊന്ന ശേഷം തൂങ്ങി മരിക്കുകയായിരുന്നു. സംശയ രോഗത്തെ തുടര്‍ന്നാണ് കൊലപാതകം നടത്തിയത്.
മറ്റൊരാളുമായി ഭാര്യയ്ക്ക് ബന്ധമുണ്ടെന്ന സംശയത്തെ തുടര്‍ന്ന് സുനില്‍ ഭാര്യയുമായി മിക്ക ദിവസവും കലഹിച്ചിരുന്നതായി പോലീസ് വ്യക്തമാക്കുന്നു. സമീപമുള്ള ഐടി പാര്‍ക്കിലെ സെക്യൂരിറ്റി ഗാര്‍ഡാണ് അര്‍ച്ചന. സംഭവത്തെക്കുറിച്ച് കൂടുതല്‍ വിവരങ്ങള്‍ അന്വേഷിച്ച് വരികയാണെന്ന് പോലീസ് വ്യക്തമാക്കി.
