ജനപ്രീതി നേടിയ ‘തുപ്പറിവാളന്‍’, ‘ഇരുമ്പ് തിരൈ’ എന്നീ ആക്ഷന്‍ ത്രില്ലര്‍ സിനിമകള്‍ക്ക് ശേഷം വിശാല്‍ ആക്ഷന്‍ ഹീറോയായെത്തുന്ന ‘അയോഗ്യാ’ എന്ന ചിത്രത്തിലെ വീഡിയോ ഗാനം പുറത്തുവിട്ടു. ഗാനം ആലപിച്ചിരിക്കുന്നത് ദീപകും പൂജയും ചേര്‍ന്നാണ്. രോകേഷിന്റെ വരികള്‍ക്ക് സംഗീതം നല്‍കിയിരിക്കുന്നത് എസ്എസ് തമനാണ്.
മെയ് 10ന് ചിത്രം ലോകമെമ്പാടും പ്രദര്‍ശനത്തിനെത്തും. സംവിധായകന്‍ എ.ആര്‍. മുരുകദോസിന്റെ സഹസംവിധായകനായ വെങ്കട്ട് മോഹന്‍ ആദ്യമായി സംവിധാനം നിര്‍വഹിക്കന്ന ‘അയോഗ്യാ’ ലൈറ്റ് ഹൗസ് മൂവി മേക്കേഴ്സിന്റെ ബാനറില്‍ നിര്‍മ്മിക്കുന്നത് ടാഗോര്‍ മധുവാണ്. റാഷി ഖന്നയാണ് ചിത്രത്തില്‍ വിശാലിന്റെ നായിക. ദ്വിമുഖ വ്യക്തിത്വമുള്ള പോലീസ് ഓഫീസര്‍ നായക കഥാപാത്രത്തെയാണ് വിശാല്‍ അവതരിപ്പിക്കുന്നത്.
