ബോളിവുഡ് നടന്‍ സണ്ണി ഡിയോള്‍ ആദ്യമായി ഇരട്ടവേഷത്തിലെത്തുന്ന ചിത്രമാണ് ഭയ്യാജി സൂപ്പര്‍ഹിറ്റ്. പ്രീതി സിന്റയും ചിത്രത്തില്‍ പ്രധാന വേഷത്തിലെത്തുന്നുണ്ട്. ഇപ്പോള്‍ പ്രീതി സിന്റ തന്നെ ചിത്രത്തിന്റെ പുതിയ പോസ്റ്റര്‍ പുറത്തുവിട്ടിരിക്കുകയാണ്. അമീഷ പട്ടേല്‍, അര്‍ഷാദ് വര്‍സി, ശ്രേയസ് തല്‍പഡെ എന്നിവരും പ്രധാന വേഷത്തിലെത്തുന്നുണ്ട്. സെപ്റ്റംബര്‍ 14ന് ചിത്രം തിയറ്ററുകളിലെത്തുമെന്നായിരുന്നു അറിയിച്ചിരുന്നത്.
Back with a bang! Meet #SapnaDubey in #BhaiajiSuperhit on the 19th of October in a theatre near youu! #PZisBack! ❤️ pic.twitter.com/rLtxUNM1me
— Preity G Zinta (@realpreityzinta) August 7, 2018
എന്നാല്‍ പോസ്റ്റര്‍ പുറത്തുവിട്ടതിനൊപ്പം പ്രീതി സിന്റ ചിത്രത്തിന്റെ പുതിയ റിലീസ് തിയതിയും അറിയിച്ചിരിക്കുകയാണ്. ചിത്രം ഒക്ടോബര്‍ 19ന് തിയറ്ററുകളിലെത്തും. സണ്ണിയുടെ രണ്ട് കഥാപാത്രങ്ങളെയും അടിസ്ഥാനമാക്കിയാണ് കഥയുടെ പോക്ക്. അതിനു പുറമെ, അഞ്ച് വര്‍ഷങ്ങള്‍ക്കു ശേഷം പ്രീതി സിന്റെ അഭിനയത്തിലേക്ക് തിരിച്ചു വരവ് നടത്തുന്ന ചിത്രം കൂടിയാണ് ഭയ്യാജി സൂപ്പര്‍ഹിറ്റ്. നീരജ് പതക് ആണ് ചിത്രം സംവിധാനം ചെയ്യുന്നത്.
