ന്യൂഡല്‍ഹി: പാക്കിസ്ഥാനെ വിറപ്പിച്ച് ഇന്ത്യ നടത്തിയ ബാലക്കോട്ട് സൈനികാക്രമണത്തിന്റെ പ്രമോ വീഡിയോ പുറത്തിറക്കി വ്യോമസേന. വായുസേന ദിനത്തിന് മുന്നോടിയായി വ്യോമസേനാ മേധാവി എയര്‍ ചീഫ് മാര്‍ഷല്‍ രാകേഷ് കുമാര്‍ സിംഗ് ബദൗരിയ ആണ് വിഡിയോ പുറത്തിറക്കിയത്.
#WATCH Indian Air Force showcases the story of the Balakot aerial strikes in a promotional video at the annual Air Force Day press conference by Air Force Chief Air Chief Marshal Rakesh Kumar Singh Bhadauria. pic.twitter.com/GBRWwWe6sJ
— ANI (@ANI) October 4, 2019
ഒക്ടോബര്‍ എട്ടിനാണ് വായുസേന ദിനം. രാജ്യത്തിന്റെ വിവിധ ഭാഗത്ത് സ്ഥിതി ചെയ്യുന്ന സൈനികതാവളങ്ങളിലെ മിറാഷ്-2000 വിമാനങ്ങളാണ് വ്യോമസേന ഈ സൈനിക നീക്കത്തിനായി ഉപയോഗിച്ചത്. അന്നത്തെ ആക്രമണത്തിന്റെ ദൃശ്യങ്ങളല്ല വീഡിയോയ്ക്ക് വേണ്ടി ഉപയോഗിച്ചതെന്ന് ബദൗരിയ വ്യക്തമാക്കി.
ബ്രീഫിംഗ് റൂം, മിറാഷ്2000 പോര്‍വിമാനം പറത്തുന്നത്, ശത്രുകേന്ദ്രങ്ങളെ റഡാര്‍ സൂം ഉപയോഗിച്ചു ലക്ഷ്യം വയ്ക്കുന്നത് എന്നിവ പ്രമോയിലുണ്ട്. തൊട്ടടുത്ത ദിവസം അതിര്‍ത്തിയില്‍ ഇന്ത്യ-പാക്ക് യുദ്ധവിമാനങ്ങള്‍ ഏറ്റുമുട്ടുന്നതും വിംഗ് കമാന്‍ഡര്‍ അഭിനന്ദന്‍ വര്‍ധമാനിലൂടെ അഭിമാനമായി മാറിയ മിഗ്21 വിമാനവും വീഡിയോയിലൂടെ ജനങ്ങളിലേക്ക് എത്തിച്ചിട്ടുണ്ട്.
