ധാക്ക: ബംഗ്ലാദേശിലെ കൊവിഡ് ആശുപത്രിയിൽ ബുധനാഴ്ച രാവിലെയുണ്ടായ തീപിടിത്തത്തിൽ മൂന്നു മരണം. അത്യാഹിത വിഭാഗത്തിൽ ചികിത്സയിൽ കഴിഞ്ഞിരുന്ന രോഗികളാണ് മരിച്ചത്. 14 പേരാണ് ഐ.സി.യുവിൽ ചികിത്സയിലുണ്ടായിരുന്നത്.
രാവിലെ എട്ടു മണിയോടെ ഓക്സിജൻ സിലിണ്ടർ പൊട്ടിത്തെറിക്കുകയായിരുന്നുവെന്ന് ധാക്ക മെഡിക്കൽ കോളജ് ആശുപത്രി ഡയറക്ടർ നസ്മുൽ ഹഖ് പറഞ്ഞു. ചികിത്സയിലുണ്ടായിരുന്ന മറ്റുള്ളവരെ വെന്റിലേറ്ററിലേക്ക് മാറ്റി. അഗ്നിബാധയെ തുടർന്ന് മറ്റൊരു ഐ.സി.യുവിലേക്ക് മാറ്റുന്നതിനിടെയായിരുന്നു മൂന്ന് മരണവും സംഭവിച്ചതെന്നും അദ്ദേഹം പറഞ്ഞു.
