എല്ലാ ക്രിക്കറ്റ് ഫോര്‍മാറ്റുകളില്‍ നിന്നും വിരമിച്ച് ബംഗ്ലാദേശ് പേസര്‍ മുഹമ്മദ് ഷെരീഫ്. ഇതോടെ നീണ്ട 20 വര്‍ഷ ക്രിക്കറ്റ് കാരിയാറിനാണ് അവസാനമായത്. 2001 നും 2007 നും ഇടയില്‍ അന്താരാഷ്ട്ര മത്സരങ്ങള്‍ കളിച്ച ഷെരീഫ് 10 ടെസ്റ്റുകളും ഒമ്പത് ഏകദിനങ്ങളും ബംഗ്ലാദേശിനായി കളിച്ചു.
2001 ല്‍ ഏകദിന മത്സരത്തില്‍ വലംകൈയ്യന്‍ ബൗളറായ ഷെരീഫ് സിംബാവെയ്‌ക്കെതിരെ അരങ്ങേറ്റം കുറിച്ചു. അതേ വര്‍ഷം ഇതേ എതിരാളിക്കെതിരെ ഷെരീഫിന് ആദ്യ ടെസ്റ്റും കളിച്ചു. 10 ടെസ്റ്റുകളില്‍ കളിച്ച അദ്ദേഹം 14 വിക്കറ്റുകള്‍ വീഴ്ത്തി.
രണ്ട് വര്‍ഷം കൂടി കളിക്കാനാകുമെന്ന് തനിക്ക് തോന്നുമെങ്കിലും എല്ലാത്തരം ക്രിക്കറ്റുകളില്‍ നിന്നും വിട്ടുനില്‍ക്കാന്‍ തീരുമാനിച്ചെന്ന് ഷെരീഫ് ശനിയാഴ്ച പറഞ്ഞു.
