സൂപ്പര്‍ ക്ലബ് ബാഴ്‌സലോണയുടെ യുവതാരം മുനീര്‍ അല്‍ ഹദാദിയെ സെവിയ്യ സ്വന്തമാക്കി.ഈ സീസണിന്റെ അവസാനത്തോടെ ബാഴ്‌സലോണയില്‍ ഉള്ള കരാര്‍ തീരാനിരിക്കെയാണ് താരത്തെ സെവിയ്യ സ്വന്തമാക്കിയത്. താരത്തിന് രണ്ടു തവണ ബാഴ്‌സലോണ പുതിയ കരാര്‍ മുന്‍പില്‍ വെച്ചെങ്കിലും താരം ബാഴ്‌സലോണയില്‍ കളിക്കാനുള്ള സമയം കുറവായതുകൊണ്ട് സെവിയ്യയിലേക്ക് പോവുകയായിരുന്നു. ഈ സീസണിന്റെ അവസാനത്തോടെ കരാര്‍ അവസാനിക്കുന്ന മുനീര്‍ വെറും 1 മില്യണ്‍ യൂറോക്കാണ് സെവിയ്യയില്‍ എത്തുന്നത്.
ബാഴ്‌സലോണക്ക് വേണ്ടി 56 മത്സരങ്ങള്‍ കളിച്ച മുനീര്‍ 12 ഗോളുകളും നേടിയിട്ടുണ്ട്. ബാഴ്‌സലോണയില്‍ രണ്ടു ലാ ലീഗ കിരീടങ്ങളും ഒരു ചാമ്പ്യന്‍സ് ലീഗ് കിരീടവും ഒരു കോപ്പ ഡെല്‍ കിരീടവും മുനീര്‍ നേടിയിട്ടുണ്ട്. ഈ ട്രാന്‍സ്ഫര്‍ വിന്‍ഡോയില്‍ സെവിയ്യ സ്വന്തമാക്കുന്ന രണ്ടാമത്തെ താരമാണ് മുനീര്‍. നേരത്തെ അയാക്‌സ് പ്രധിരോധ താരം മാക്‌സ് വോബറെയും സെവിയ്യ സ്വന്തമാക്കിയിരുന്നു. നാല് വര്‍ഷത്തെ കരാറിലാണ് മുനീര്‍ സെവിയ്യയില്‍ എത്തുന്നത്.
