സ്പാനിഷ് ലാ ലിഗയില്‍ ബാഴ്സലോണക്ക് തുടര്‍ച്ചയായ നാലാം ജയം. ഇന്ന് നടന്ന എവേ മത്സരത്തില്‍ റയല്‍ സോസിഡാഡിനെ ഒന്നിനെതിരെ രണ്ടു ഗോളുകള്‍ക്കാണ് ബാഴ്സലോണ തോല്‍പ്പിച്ചത്. ഒരു ഗോളിന് പുറകില്‍ നിന്നതിന് ശേഷം രണ്ട് ഗോള്‍ തിരിച്ചടിച്ചാണ് ബാഴ്‍സയുടെ വിജയം.
അര്‍റ്റിസ് എലുസ്റ്റോന്‍ഡോയുടെ ഗോളില്‍ 12ാം മിനിറ്റില്‍ മുന്നിലെത്തിയ സോസീഡാഡിനെതിരെ രണ്ടാം പകുതിയില്‍ മൂന്നു മിനിറ്റിന്റെ ഇടവേളയില്‍ ലക്ഷ്യംകണ്ട ലൂയി സുവാരസും (63) ഉസ്മാനെ ഡെംബലെയും (66) ബാഴ്സലോണയെ ജയത്തിലെത്തിക്കുകയായിരുന്നു.
നാലില്‍ നാലു മത്സരവും ജയിച്ച്‌ 12 പോയന്റുമായി ബാഴ്സലോണ ലീഗില്‍ ഒന്നാമതാണ്.
