യുവേഫ വനിതാ ചാമ്പ്യന്‍സ് ലീഗിലെ റൗണ്ട് ഓഫ് 16 ആദ്യ പാദത്തില്‍ ഗ്ലാസ്‌കോയ്‌ക്കെതിരെ നടന്ന മത്സരത്തില്‍ ബാഴ്‌സലോണക്ക് വന്‍ വിജയം. ഇന്നലെ സ്വന്തം ഹോം ഗ്രൗണ്ടില്‍ നടന്ന മത്സരത്തില്‍ ബാഴ്‌സ എതിരില്ലാത്ത അഞ്ചു ഗോളുകള്‍ക്കാണ് ജയം സ്വന്തമാക്കിയത്.
ബാഴ്‌സല്ലായി ഹാമ്രൊയ്, ഐതാന, ഗുയിജാരോ, ആന്‍ഡ്രെസ്, മാപി എന്നിവരാണ് ബാഴ്‌സലോണക്കായി ഗോള്‍ അടിച്ചത്. ഇന്നലെ നടന്ന മറ്റൊരു മത്സരത്തില്‍ നിലവിലെ ചാമ്പ്യന്മാരായ ലിയോണ്‍ എതിരില്ലാത്ത നാലു ഗോളുകള്‍ക്ക് അയാക്‌സിനെ തോല്‍പ്പിച്ചു. അയാക്‌സിന്റെ ഹോമില്‍ വെച്ച് നടന്ന പോരില്‍ അദ, ബച, മജ്‌റി, ക്രിസ്റ്റിയന്‍സ് എന്നിവരാണ് ലിയോണിനായി ഗോള്‍ നേടിയത്.
