ഫ്രഞ്ച് ക്ലബ്ബായ ബോര്‍ഡെക്‌സ് താരം മാല്‍ക്കം ഇനി ബാഴ്‌സലോണയ്ക്ക് വേണ്ടി ബൂട്ടണിയും. ബ്രസീലിയന്‍ താരമായ മാല്‍ക്കത്തിനു വേണ്ടിയുള്ള ബാഴ്‌സലോണയുടെ നീക്കം അപ്രതീക്ഷിതമായിരുന്നു. ഈ വര്‍ഷം ബാഴ്‌സയിലെത്തുന്ന രണ്ടാമത്തെ ബ്രസീലിയന്‍ താരമാണ് 21കാരനായ മാല്‍ക്കം.
? #EnjoyMalcom ?? pic.twitter.com/GRhCZq7YLa
— FC Barcelona (@FCBarcelona) July 24, 2018
കഴിഞ്ഞ ദിവസം ബോര്‍ഡക്‌സും ഇറ്റാലിയന്‍ ക്ലബായ റോമയും മാല്‍ക്കമിന് വില്‍ക്കുന്നതുമായി ബന്ധപ്പെട്ട് തീരുമാനത്തിലെത്തിയിരുന്നു. മെഡിക്കലിനായി ഇറ്റലിയിലേക്ക് പുറപ്പെടാന്‍ നില്‍ക്കുന്നതിനിടെയാണ് ബാഴ്സലോണ രംഗത്തെത്തിയത്. ബോര്‍ഡക്‌സിനായി 84 മത്സരങ്ങളില്‍ നിന്ന് 20 ഗോളുകളാണ് താരം നേടിയിട്ടുള്ളത്.
