കൊല്ക്കത്ത: ബി.സി.സി.ഐ പ്രസിഡന്റ് സൗരവ് ഗാംഗുലിയെ വീണ്ടും ആശുപത്രിയില് പ്രവേശിപ്പിച്ചു. നെഞ്ചുവേദനയെ തുടര്ന്നാണ് വീണ്ടും ഗാംഗുലിയെ കൊല്ക്കത്തയിലെ അപ്പോളോ ആശുപത്രിയിലേക്ക് മാറ്റിയത്.
ജനുവരി ആദ്യവാരം വ്യായാമത്തിനിടെ നെഞ്ചുവേദന അനുഭവപ്പെട്ടതിനെ തുടർന്ന് നേരത്തെ അദ്ദേഹത്തെ ആശുപത്രിയില് പ്രവേശിപ്പിച്ചിരുന്നു. പിന്നീട് ആന്ജിയോപ്ലാസ്റ്റിക്ക് വിധേയനാക്കിയ അദ്ദേഹം ജനുവരി ഏഴാം തീയതിയാണ് ആശുപത്രി വിട്ടത്.
