എ എഫ് സി കപ്പ് ഗ്രൂപ്പ് സ്റ്റേജില്‍ മാല്‍ഡീവ്‌സ് ക്ലബായ ന്യൂ റാഡിയന്റ് എസ് സിയ്‌ക്കെതിരെ ബെംഗളൂരു എഫ് സിക്ക് അവസാന നിമിഷം വിജയം. എതിരില്ലാത്ത ഒരു ഗോളിനാണ് പരാജയപ്പെടുത്തിയത്. 91ആം മിനുട്ടില്‍ നിഷു കുമാറാണ് മത്സരത്തിലെ വിജയ ഗോള്‍ നേടിയത്.
ജയത്തോടെ ബെംഗളൂരു എഫ് സി ഗ്രൂപ്പ് ഇയില്‍ ഒറ്റയ്ക്ക് ഒന്നാമതെത്തി. കളിച്ച മൂന്നു മത്സരങ്ങളുന്‍ ജയിച്ച് 9 പോയന്റാണ് ബെംഗളൂരുവിന് ഉള്ളത്. സൂപ്പര്‍ കപ്പ് ക്വാര്‍ട്ടറില്‍ നെറോകയ്ക്ക് എതിരെയാണ് ബെംഗളൂരുവിന്റെ അടുത്ത മത്സരം.
