ബംഗളുരു: മലയാളിതാരം സി.കെ.വിനീതിന്‍റെ ഇരട്ടഗോൾ മികവിൽ ബംഗളുരു എഫ്സി ഫെഡറേഷൻ കപ്പ് ജേതാക്കൾ. മോഹൻബഗാനെ എതിരില്ലാത്ത രണ്ടു ഗോളുകൾക്കു കീഴടക്കിയായിരുന്നു ബംഗളുരു എഫ്സിയുടെ വിജയം.
ഇരുടീമുകൾക്കും ഗോൾ നേടാനാകാത്തതിനെ തുടർന്ന് അധിക സമയത്തേക്കു നീണ്ട മത്സരത്തിൽ, ബംഗളുരു എഫ്സിക്കായി സി.കെ.വിനീത് ഇരട്ടഗോളുകൾ നേടി കിരീടമുറപ്പിക്കുകയായിരുന്നു.
നാലാംവട്ടം ഫൈനൽ കളിക്കുന്ന ബംഗളുരു എഫ്സി ഇത് രണ്ടാം തവണയാണ് കിരീടം സ്വന്തമാക്കുന്നത്. ഇതോടെ അടുത്ത വർഷത്തെ എഎഫ്സി കപ്പിന് ബംഗളുരു എഫ്സി യോഗ്യത നേടി.
