ലോക സിനിമയിലെ ആചാര്യന്മാരിലൊരാളായ ഇറാനിയൻ സംവിധായകൻ മജീദ്‌ മജീദിയുടെ ഇന്ത്യൻ ചലച്ചിത്രം ബിയോണ്ട്‌ ദ ക്ലൗഡ്‌സിന്റെ പുതിയ പോസ്റ്ററുകളും ,ട്രെയിലറും പുറത്തിറങ്ങി . ഇഷാൻ ഖട്ടാർ , മലയാളിയായ മാളവിക മോഹനൻ എന്നിവരുടെ പോസ്റ്ററുകളാണ് പുറത്തിറങ്ങിയത്.
ചിത്രത്തിൽ ഇരുവരും അവതരിപ്പിക്കുന്ന കഥാപാത്രങ്ങളെയാണ് പോസ്റ്ററിൽ കാണിച്ചിരിക്കുന്നത്. മാളവിക മോഹനൻ താര എന്ന കഥാപാത്രത്തെയും , ഇഷാൻ ഖട്ടാർ അമീർ എന്ന കഥാപാത്രത്തെയുമാണ് അവതരിപ്പിക്കുന്നത്. ചിത്രത്തിന്റെ ഇന്ത്യയിലെ റിലീസിംഗ് ഉടൻ തന്നെയുണ്ടാവും. ചിത്രം ചലച്ചിത്ര മേളകളിൽ പ്രദർശിപ്പിച്ചിട്ടുണ്ട്.
ബിയോണ്ട്‌ ദ ക്ലൗഡ്‌സ് എല്ലാ അർഥത്തിലും ഒരു ലോകസിനിമയാണ്. മുംബൈ നഗരത്തിന്റെ വിവിധ ഭാവങ്ങളെ സൂക്ഷ്മമായി വെള്ളിത്തിരയിലെത്തിക്കാൻ മജീദി കൂട്ടുപിടിക്കുന്നത് പ്രശസ്ത ഛായാഗ്രാഹകനായ അനിൽ മേത്തയെയാണ്.
പേർഷ്യൻ ഭാഷയിൽ മജീദി എഴുതിയ തിരക്കഥയെ ആദ്യം ഇംഗ്ലീഷിലേക്കും പിന്നീട് ഹിന്ദിയിലേക്കും മൊഴിമാറ്റം നടത്തിയാണ് ബിയോണ്ട്‌ ദ ക്ലൗഡ്‌സ് ഒരുക്കിയിരിക്കുന്നത്.
അനാഥരായ താര നിഷാൻ എന്ന പെൺകുട്ടിയുടെയും ആമിർ എന്ന സഹോദരന്റെയും കഥയാണ് ചിത്രത്തിന്റെ ഇതിവൃത്തം.
