തിരുവനന്തപുരം: ലോകം മുഴുവന്‍ ഇന്ന് വാലന്റൈന്‍സ് ഡേ ആഘോഷിക്കുകയാണ്. ഇപ്പോള്‍ മലയാളികളുടെ പ്രിയ നടി ഭാവന പങ്കുവച്ച കുറിപ്പാണ് വൈറലാകുന്നത്. ഭര്‍ത്താവ് നവീന് വേണ്ടിയാണ് താരം കുറിപ്പ് പങ്കുവച്ചത്. തന്റെ ഇന്‍സ്റ്റാഗ്രാമിലാണ് താരം പോസ്റ്റ് ചെയ്തത്.
‘2011ല്‍ നാം ആദ്യമായി കണ്ടുമുട്ടുമ്പോള്‍ നീയാകും എന്റെ പ്രണയമെന്ന് ഞാന്‍ കരുതിയതേയില്ല. ഒരു പ്രൊഡ്യൂസറും നടിയും തമ്മിലുള്ള പ്രൊഫഷണല്‍ ബന്ധത്തിന് അപ്പുറം നല്ല സുഹൃത്തുക്കളാകാന്‍ നമുക്ക് അധികം സമയം വേണ്ടിവന്നില്ല. നല്ല പ്രണയങ്ങള്‍ ഏറ്റവും നല്ല സൗഹൃദങ്ങളില്‍ നിന്നാണ് തുടങ്ങുന്നതെന്ന് പറയുന്നതു പോലെ! നമ്മുടെ പ്രണയത്തിന് 9 വര്‍ഷങ്ങള്‍ തികഞ്ഞിരിക്കുന്നു. വേര്‍പിരിയാന്‍ കാരണമായേക്കാവുന്ന എല്ലാ സാഹചര്യങ്ങളിലൂടെയും നാം കടന്നുപോയിട്ടുണ്ട്. എന്നാല്‍ കൂടുതല്‍ ശക്തമായി അതെല്ലാം പ്രതിരോധിച്ചിട്ടുമുണ്ട്.
https://www.instagram.com/p/B8h5C2GFrsH/?utm_source=ig_web_copy_link
എല്ലാ പ്രതിസന്ധികള്‍ക്കുമെതിരെ നമ്മള്‍ പോരാടും. നീയായി തന്നെ തുടരുന്നതിന് നന്ദി. അനന്തമായി ഞാന്‍ നിന്നെ പ്രണയിച്ചു കൊണ്ടേയിരിക്കുന്നു’- ഭാവന കുറിച്ചു.
