പെര്‍ത്ത്: ബിഗ് ബാഷ് ടി20 ലീഗില്‍ മേല്‍ക്കൂരയിലിടിച്ച് താഴെ വീണ പന്തില്‍ അമ്പയര്‍ സിക്സര്‍ വിധിച്ചു. ബിഗ് ബാഷ് ടി20 ലീഗില്‍ കഴിഞ്ഞ ദിവസം പെര്‍ത്ത് സ്‌കോര്‍ച്ചേഴ്സും,മെല്‍ബണ്‍ റെനഗേഡ്സും തമ്മില്‍ നടന്ന മത്സരത്തിലായിരുന്നു മേല്‍ക്കൂരയില്‍ പന്തെത്തിച്ച് സ്‌കോര്‍ച്ചേഴ്സ് താരം ആഷ്ടണ്‍ ടേണര്‍ ആറ് റണ്‍സ് സ്വന്തമാക്കിയത്.
Turner hits the ROOF ???
? Watch #BBL08 now on #FoxCricket pic.twitter.com/hTVT5CT9ay
— Fox Cricket (@FoxCricket) December 20, 2018
സ്‌കോര്‍ച്ചേഴ്സ് ഇന്നിംഗ്സിന്റെ പന്ത്രണ്ടാം ഓവറിലായിരുന്നു സംഭവം. ഡാനിയല്‍ ക്രിസ്റ്റ്യന്റെ ആദ്യ പന്തില്‍ കൂറ്റന്‍ഷോട്ടിന് ശ്രമിച്ച ആഷ്ടണ്‍ ടേണറിന് വിചാരിച്ച പോലെ പന്ത് കണക്ട് ചെയ്യാനായില്ല. ടേണറിന്റെ ടോപ്പ് എഡ്ജില്‍ തട്ടി പന്ത് മുകളിലേക്കുയര്‍ന്നു. എന്നാല്‍ സ്റ്റേഡിയത്തിന്റെ മേല്‍ക്കൂരയിലിടിച്ച് പന്ത് താഴേക്ക് വീഴുകയായിരുന്നു. 30 വാര വൃത്തത്തിന് തൊട്ടു പുറത്താണ് പന്ത് വന്നു വീണതെങ്കിലും അത് സിക്സറായി വിധിക്കുകയായിരുന്നു അമ്പയര്‍മാര്‍.ഏറെ ആവേശത്തോടെയാണ് ക്രിക്കറ്റ് പ്രേമികള്‍ ഈ സംഭവം നോക്കിക്കണ്ടത്.
